میں علم کا شہر ہوں، ابوبکر اس کی بنیاد، عمر اس کی چاردیواری، عثمان اس کی چھت اور علی اس کا دروازہ ہیں

الحدیث:٠› (أنا مدینةُ العلمِ وعليٌّ بابُها)  کی مختصر تحقیق و تشریح

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بحکمِ سائل: حضرت مولانا محمد امتیاز احمد حشمتی،خطیب و امام جامع مسجد (الحبیب)حیدرآباد

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

«:الجواب بعونه الملک الوھاب

حضرت ابن عساکر رحمہ اللّٰہ نے "تاریخ ابن عساکر" میں بغیر سند کے یہ روایت ذکر کی ہے، جبکہ دیلمی رحمہ اللّٰہ صاحبِ "الفردوس" نے بھی بغیر سند کے حضرت عبد اللہ بن مسعود رضی اللہ عنہ سے مرفوعاً یوں نقل کی ہے۔

أنا مدینۃ العلم وأبو بکر أساسھا وعمر حیطانھا وعثمان سقفھا وعلی بابھا

«:ترجمہ

میں علم کا شہر ہوں، ابوبکر اس کی بنیاد، عمر اس کی چاردیواری، عثمان اس کی چھت اور علی اس کا دروازہ ہیں۔

(تاریخ دمشق لابن عساکر: ۲۰/۹)

اِس حدیث کے بارے میں حافظ سخاوی رحمہ اللّٰہ نے "المقاصد الحسنۃ" میں فرمایا ہے:٠ وبالجملۃ فکلھا ضعیفۃ وألفاظ أکثرھا رکیکۃ وأحسنھا حدیث ابن عباس بل ھو حسن‌ إنتھی

«:ترجمہ

اس جیسی احادیث ضعیف ہیں، ان میں سے اکثر احادیث کے الفاظ کمزور ہیں، مگر اس کے باوجود اس سلسلے میں حضرت عبداللہ بن عباس رضی اللہ عنہما کی روایت حسن ہے۔

وہ روایت یہ ہے

أنا مدینة العلم وعلي بابها فمن أراد العلم فليأت الباب

*الغرض!* اس حدیث کے بارے میں محدثین کی رائیں مختلف ہیں، لیکن کچھ حضراتِ محدثین نے،خصوصاً صاحبِ *تفسیر جلالین* و *تاریخُ الخلفاء* حضرت *جلال الدین سیوطی شافعی* اور علامہ *سخاوی* (المتوفىٰ902) رحمہما اللہ نے *اِس حدیث کو ثابت شدہ قرار دیا ہے*۔ اس لیے اس حدیث کو *بے اصل* نہیں کہا جاسکتا، بلکہ *فضائل و مناقب* میں بیان کرنے کی اجازت ہے۔

یہ روایت مختلف عبارت اور الفاظ کے ساتھ اهل سنت کی بہت سی کتابوں میں خود مولاۓ کائنات علی رضی اللہ تعالیٰ عنہ، عبد الله بن عباس اور جابر بن عبد الله انصاري رضوان اللہ علیہم اجمعین سے مندرجہ ذیل تعبیرات کے ساتھ نقل ہوئی ہے«أنا مدينۃ العلم وعلي بابها» «أنا مدينة الحكمة وعلی بابها»  «أنا دار الحكمة وعلي بابها

 اِس روایت کی بعض سندیں *صحيح* ہیں ، بعض کی *حسن* اور کچھ کی سند *ضعیف* ہے۔

مگر! افسوس کا مقام یہ ہے کہ بعض اهل بيت کے فضائل کے منکِر اور ان کے فضائل سے چیڑھ رکھنے والے لوگ جب اس روایت کو نقل کرتے ہیں تو صرف اُنہیں روایات کو نقل اور انہیں کی تحقیق کرتے ہیں کہ جن کی *سند ضعیف* ہے اور پھر بعد میں *کلی حکم* لگاتے ہیں کہ اس قسم کی ساری روایتیں ضعیف ہیں اور یہ سب جعلی اور مَن گڑھت ہیں ۔

حالاں کہ :

امام اہلسنت اعلی حضرت امام احمد رضا محقق بریلوی علیہ الرحمہ (متوفی 1340ھ)  لکھتے ہیں:

"کسی کتاب کے معتبر ہونے کا یہ مطلب نہیں کہ اس میں جو کچھ موجود ہے وہ تمام معتبر و مختار ہو، ہرگز ایسا نہیں ہے کیونکہ بڑے بڑے ائمہ کرام کی کتابوں میں سے کوئی بھی کتاب ایسی نہیں کہ اس کے بعض مقامات قابل تنقید و تنقیح نہ ہوں."

(فتاوی رضویہ، جلد 7، صفحہ 551، رضا فاؤنڈیشن،لاہور)

اِس سے پتہ چلا کہ جن کتابوں میں حضرت علی کرم اللہ وجہہ الکریم کے متعلق اِس حدیث کے ضعیف یا موضوع ہونے  کا حکم لگایا گیا ہے، یہ ضروری نہیں کہ وہ بالاتفاق درست ہی ہے۔ بلکہ مطلب یہ کہ وہ (حدیث)بھی قابلِ تحقیق و ریسرچ ہے۔ مگر، *کتاب صحیح بخاری و مسلم* اِس سے مستثنیٰ ہیں،کیوں کہ ان کی احادیث باجماعِ امت صحیح اور قابلِ استدلال و حجت ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حضرت علی رضی اللہ تعالیٰ عنہ کے علم کے متعلق (حدیث) کے صحابۂ کرام،تابعین اور تبع تابعین میں سے راوی حضرات کی لسٹ۔

حضرت امام علي 

حضرت امام حسن 

حضرت امام حسين 

حضرت عبد الله بن عباس

حضرت جابر بن عبد الله الانصاري

حضرت عبد الله بن مسعود

حضرت عبد الله بن عمر

حضرت حذيفة بن اليمان

حضرت أنس بن مالك

حضرت عمرو بن العاص

 حضرت امام السجاد 

حضرت امام الباقر 

حضرت اصبغ بن نباتة الحنظلي

حضرت جرير الضبّي

حضرت سعيد بن جبير

حضرت عبد الله بن عثمان بن خثيم وعبد الرحمن بن عثمان‌ رضی اللہ عنھم‌اجمعین۔

*چند ماہر اور مشہور محدثین عظام*

الحافظ يحيى بن معين البغدادي، الشيباني، الترمذي، الطبري، الحاكم النيشابوري، البغدادي، ابن عبد البر، ابن المغازلي، السمعاني، ابن الأثير، الذهبي، ابن الصباغ المالكي، السيوطي، الآلوسي۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مگر یہ بھی حقیقت ہے کہ اوپر مذکورہ دونوں روایات میں، حکمِ صحیح اور حسن کے بجائے ضغیف اور موضوع کا حکم ہی زیادہ ہے۔

«:مگراب فیصلہ یہ ہے کہ

 جو شخص بھی اِن دونوں روایات کو مانے،تو اس کے لیے ضروری ہے کہ وہ صرف امام حاکم، امام ترمذی اور امام سخاوی کی روایات پر بھروسہ کرے، جنہوں نے ان دونوں روایات کو درست اور ثابت شدہ مانا ہے؛......جیسا کہ ہم دوسری روایات میں، ان کے صحیح ہونے میں *امام بخاری و مسلم* پر بھروسہ کر کے ان کتابوں میں مذکور احادیث کو صحیح مانتے ہیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یہاں پر یہ بات بھی ذہن کے دریچے میں نقش رہے کہ،کوئـی بھی حدیث، اپنی ذات کے اعتبار سے ضعیف وغیرہ نہیں ہوتی؛ بلکہ ان کے کسی راوی کے اندر کسی طرح کے عیب کی وجہ سے ضغیف وغیرہ کا حکم لے لیتی ہے۔ تو حضرت علی کرم اللہ وجہہ الکریم کے بارے میں مذکور دونوں حدیثیں اگر بالفرض ضغیف وغیرہ بھی ہے تو اس سے یہ لازم نہیں آتا کہ وہ (حدیث) ہی غلط اور بے بنیاد ہے۔

بلکہ خرابی تو راوی میں ہے نہ کہ نفسِ حدیث میں۔

فاعتبروا یا اولی الابصار۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ساتھ میں مختصر کرتے ہوئے یہ بھی کہتا چلوں کہ

اگر کوئی حدیث، کسی راوی کے اندر عیب کی وجہ سے ضغیف وغیرہ ہو بھی گئی، تو یہ کوئی ضروری نہیں ہے کہ وہ ہمیشہ ضعیف ہی رہے، بلکہ ایسا ہوسکتا ہے وہ حدیث ایک زمانے میں صحیح رہی ہو، اور دوسرے زمانے میں ضعیف ہوگئی اور۔۔۔۔۔پھر صحیح ہوگئی۔ تو کسی شخص کے یہ کہنے سے کہ یہ حدیث ضعیف ہے۔ اُس حدیث کا ہرزمانے میں ضعیف ہونا ضروری اور لازم نہیں ہے۔←» فَتَدَبَّرْ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حضرت علی رضی اللہ تعالیٰ عنہ کے (علم) کے معترف اور سب سے زیادہ علم رکھنے کی گواہی دینے والے صحابۂ کرام۔

*حضرت عمر بن خطاب رضی اللہ تعالیٰ عنہ* 

حضرت عمر رضی اللہ تعالیٰ عنہ ایسے پیچیدہ اور ناقابلِ حل مسائل سے خدا تعالیٰ کی بہت زیادہ پناہ مانگتے تھے؛ جن کے حل کے وقت میں حضرت علی کرم اللہ وجہہ الکریم کی موجودگی نا ہو۔

«:چنانچہ آپ ہی نے فرمایا

 اگر علی نہ ہوتے تو عمر ہلاک ہو جاتا۔

[ابن عبد البر،الاستیعاب:ج،3،ص،39]

حضرت عائشہ رضی اللہ عنہا کہتی تھیں

علی رضی اللہ عنہ لوگوں میں سب سے زیادہ علم والے ہیں۔

(ابن عبد البر،الاستیعاب:ج،3،ص،462)

 * حضرت ابن عباس رضی اللہ تعالیٰ عنہما*

 "علی کو *علم کے دس حصوں میں سے نو* حصہ دیا گیا؛ اور وہ، *باقی دس* کے ساتھ بھی سب سے زیادہ علم والے ہیں۔" ,(ابن عبد البر،الاستیعاب:ج،3،ص،40]

* حضرت عبداللہ بن مسعود رضی اللہ تعالیٰ عنہ*

 عبداللہ بن مسعود رضی اللہ عنہ سے روایت ہے کہ انہوں نے کہا: قرآن سات حروف پر نازل ہوا ہے، جن میں سے کوئی حرف نہیں ہے سوائے اس کے کہ اس کی پشت اور ایک اندرونی حصہ ہے، اور یہ کہ علی بن ابی طالب کو ظاہری اور باطنی علم حاصل ہے۔

 (أبو نعيم الأصفهاني، حلية الأولياء، ج 1، ص 65)

 حضرت امیر معاویہ رضی اللہ تعالیٰ عنہ  حضرت علی رضی اللہ تعالیٰ عنہ کی شہادت کے بعد آپ رضی اللہ تعالیٰ عنہ نے فرمایا تھا کہ

 ابن ابی طالب رضی اللہ تعالیٰ عنہ کی وفات سے علم ختم ہو گیا ہے۔

(ابن عبد البرالاستیعاب ج،2,ص،463)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔...................

*بطورِ محاکمہ ایک حدیث*

حضرت علی کرم اللہ وجہہ الکریم خود فرماتے ہیں کہ؛

میں حضور صلی اللہ علیہ وسلم کے ہمراہ تھا کہ اچانک حضراتِ ابوبکر و عمر رضی اللہ تعالیٰ عنہما آتے نظر آۓ،تو رسول اللہ صلی اللہ علیہ وسلم نے ان کے بارے میں فرمایا:

"یہ دونوں نبیوں اور رسولوں کے سوا،سب اولین و آخرین ادھیڑ عمر جنتیوں کے سردار ہیں؛ مگر اے علی! تم اِنہیں مت بتانا"۔

(ترمذی شریف۔جلد 5۔ص:376۔حدیث نمبر۔3686)

اِس حدیث سے یہ پتہ چلتا ہے کہ *کچھ علم* ایسے ہیں،جو حضور صلی اللہ علیہ وسلم نے صرف *مولاۓ کائنا* کو دیے ہیں،اور اُن علوم میں آپ صلی اللہ علیہ وسلم نے کسی کو بھی شریک نہیں کیا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

*محرِّر*

محمد افضل حسین مصباحی

إن وقع الخطاء فهو مِنِّى وإلّا بتوفيقِ اللّٰه و بأقوى الوسيلةِ صلى الله عليه وسلم