دور اے دل رہیں مدینے سے موت بہتر ہے ایسے جینے سے / Door Ay Dil Rahain Madine Se

 دور اے دل رہیں مدینے سے

موت بہتر ہے ایسے جینے سے

ان سے میرا سلام کہہ دینا

جاکے تو اے صبا قرینے سے

ہر گل گلستاں معطر ہے

جانِ گلزار کے پسینے سے

یوں چمکتے ہیں ذرّے طیبہ کے

جیسے بکھرے ہوئے نگینے سے

ذکر سرکار ا کرتے ہیں مومن

کوئی مر جائے جل کے کینے سے

بارگاہِ خدا میں کیا پہونچے

گر گیا جو نبی کے زینے سے

پیجئے چشم ناز سے ان کی

میکشوں کا بھلا ہے پینے سے

اس تجلی کے سامنے اخترؔ

گل کو آنے لگے پسینے سے

تاج الشریعہ مفتی اختر رضا خان قادری علیہ الرحمہ